विश्वदीप न्यूज : आपल्या हक्काचे व्यासपीठ

इंदापूर (प्रतिनिधी):         विद्या प्रतिष्ठानच्या इंदापूर येथील वाणिज्य आणि विज्ञान महाविद्यालयाने कोरोनाच्या या काळामध्ये राबविलेले विविध शैक्षणिक उपक्रम उल्लेखनीय असून महाविद्यालयाची शैक्षणिक वाटचाल कौतुकास्पद असल्याचे गौरवोद्गार विद्या प्रतिष्ठान संस्थेचे मुख्य ट्रेनिंग आणि प्लेसमेंट अधिकारी प्रा.विशाल कोरे यांनी काढले. महाविद्यालयामध्ये ट्रेनिंग आणि प्लेसमेंट तसेच उद्योजकता विकास यासंबंधी संस्थेतर्फे आगामी काळामध्ये राबवल्या जाणाऱ्या विविध उपक्रमांचे नियोजन करण्याकरिता आज त्यांनी महाविद्यालयास सदिच्छा भेट दिली होती. महाविद्यालयाच्यावतीने प्राचार्य डॉ.निर्मल साहूजी यांच्या हस्ते त्यांचे पुष्पगुच्छ देऊन स्वागत करण्यात आले.     प्राचार्य डॉ.साहूजी यांनी यावेळी महाविद्यालयात राबविल्या जाणाऱ्या विविध उपक्रमांविषयीचे सादरीकरण केले, तसेच महाविद्यालयाच्या ट्रेनिंग आणि प्लेसमेंट अधिकारी प्रा.तमन्ना शेख यांनी ट्रेनिंग आणि प्लेसमेंट विभागाचे सादरीकरण केले.       प्रा. विशाल कोरे यांनी यावेळी विद्या प्रतिष्ठान संस्थेच्या सेंट्रल ट्रेनिंग...

इंदापूर (प्रतिनिधी):               इंदापूर येथील विद्या प्रतिष्ठानच्या वाणिज्य आणि विज्ञान महाविद्यालयाच्या विद्यार्थ्यांनी या अगोदरच प्लेसमेंटमध्ये भरीव कामगिरी केलेली आहे. या कामगिरीमध्ये नव्याने काही विद्यार्थ्यांनी भर टाकली असून त्यामुळे महाविद्यालयाच्या नावलौकिकात अजून वाढ झालेली आहे. बी.एस्सी.(संगणकशास्त्र) अभ्यासक्रमाची विद्यार्थिनी कु. प्रतीक्षा नवगिरे हिची 'मेकॅट्रॉनिक्स सिस्टिम्स प्रा.लि.' या सॉफ्टवेअर कंपनीमध्ये 'सॉफ्टवेअर इंजिनीअर' या पदावर , बी.सी.ए. अभ्यासक्रमाचा विद्यार्थी प्रथमेश पवार याची 'क्लोव्हर इन्फोटेक' या सॉफ्टवेअर कंपनीमध्ये 'सिनियर इंजिनियर -टेक्निकल सपोर्ट'  या पदावर, बी.एस्सी. (संगणकशास्त्र) अभ्यासक्रमाचा विद्यार्थी अथर्व कुलकर्णी याची 'टी सिस्टिम्स' या सॉफ्टवेअर कंपनीमध्ये 'असोसिएट कन्सल्टंट' या पदावर ट्रेनी म्हणून, तर बी.सी.ए. अभ्यासक्रमाचा विद्यार्थी शाहबाज मुलाणी याची 'पेगासस इन्फोकाॅर्प ' या सॉफ्टवेअर कंपनीमध्ये ' प्रॉडक्शन सपोर्ट इंजिनीअर' या पदावर  प्लेसमेंटद्वारे निवड झालेली आहे.         ...

इंदापूर (प्रतिनिधी):                  इंदापूर (जि.पुणे) येथील उदयोन्मुख अभिनेता आणि विद्या प्रतिष्ठानच्या इंदापूर येथील वाणिज्य विज्ञान महाविद्यालयाचा विद्यार्थी ऋषिकेश काळे याने अभिनय केलेल्या "गाडी घुंगराची" या मराठी गाण्याला रसिकांनी अक्षरशः डोक्यावर घेतले आहे. या गाण्याला युट्युबवर एक कोटींपेक्षा जास्त लोकांनी पाहिले असून महाराष्ट्रभर तरुण वर्गामध्ये हे गाणे अल्पावधीतच लोकप्रिय झाले आहे. ऋषिकेशच्या या यशाबद्दल विद्या प्रतिष्ठानच्या इंदापूर येथील वाणिज्य व विज्ञान महाविद्यालयाच्या वतीने त्याचा सत्कार महाविद्यालयाचे प्राचार्य डॉ.निर्मल  साहूजी यांच्या हस्ते करण्यात आला.                  यावेळी प्राचार्य डॉ.निर्मल साहूजी म्हणाले की, इंदापूरसारख्या ग्रामीण भागात राहून सुद्धा ऋषिकेशने कला क्षेत्रात केलेली ही वाटचाल खरंच कौतुकास्पद आहे.त्याने मिळवलेले हे यश  आमच्या महाविद्यालयाच्या तसेच इंदापूरकरांच्या दृष्टीने खूप मोठी अभिमानाची बाब आहे. या सत्कारप्रसंगी ऋषिकेशने आपले मनोगत व्...

इंदापूर (प्रतिनिधी):     इंदापूर येथील विद्या प्रतिष्ठानच्या वाणिज्य व विज्ञान महाविद्यालय मध्ये नुकतीच माजी विद्यार्थी संघटना स्थापन करण्यात आली. या संघटनेच्या अध्यक्षपदी प्रा. सुदर्शन आवटे यांची,उपाध्यक्षपदी युवा उद्योजक राहुल गुंडेकर यांची आणि सचिवपदी प्रा.जावेद शेख यांची निवड करण्यात आली. या निवडीबद्दल महाविद्यालयाचे प्राचार्य डॉ. निर्मल साहूजी यांच्या हस्ते या सर्व पदाधिकाऱ्यांचा सत्कार समारंभ संपन्न झाला.          यावेळी बोलताना प्राचार्य डॉ. निर्मल साहूजी म्हणाले की, माजी विद्यार्थ्यांनी वेगवेगळ्या क्षेत्रांमध्ये प्राप्त केलेले यश ही प्रत्येक महाविद्यालयासाठी गौरवाची बाब असते.आपल्या महाविद्यालयामध्ये माजी विद्यार्थी संघटनेच्या माध्यमातून विविध सामाजिक व शैक्षणिक उपक्रम कसे राबवता येतील याविषयी या माजी विद्यार्थी संघटनेच्या पदाधिकाऱ्यांनी आखणी करून महाविद्यालयाच्या नावलौकिकात अजुन भर टाकावी.  या नवीन शैक्षणिक वर्षापासून महाविद्यालयामध्ये अगोदर चालू असणाऱ्या बी.बी.ए., बी.सी.ए., बी.सी.एस. या अभ्यासक्रमांबरोबरच बी.एस्सी. व  बी....

इंदापूर (प्रतिनिधी):                   इंदापूर तालुक्यातील माध्यमिक विद्यालयांमधील  सर्व कर्मचा-यांच्या जुलै 2021 वेतनवाढीसंबंधीचा कॅम्प 26 व 27 जुलै 2021 रोजी संपन्न झाला. पुणे जिल्हा परिषद माध्यमिक शिक्षण विभाग,पुणेच्या वेतन पथकाच्या शिक्षणाधिकारी मा.कविता शिंपी मॅडम यांचे आदेशानुसार आणि या विभागाचे राजेंद्र खरे यांचे मार्गदर्शनाखाली हे कॅम्प आयोजित करण्यात आले होते. दि. 26 व 27 जुलै 2021रोजी इंदापूर तालुक्यातील निमसाखर येथील एन. ई एस. हायस्कूल व ज्युनिअर कॉलेज आणि  कौठळी येथील नूतन माध्यमिक विद्यालय या दोन ठिकाणी हे कॅम्प आयोजित करण्यात आले होते.             ज्या सेवकांना जुलै 21 मध्ये वेतन वाढ देय आहे त्यांची वेतन वाढ ते ज्या लेव्हल मध्ये/स्केल मध्ये वेतन घेतात त्या मधील पुढील टप्पा बरोबर आहे का याची खात्री करून वेतनवाढ फॉरवर्ड करण्यात आली.यामध्ये वेतनवाढ प्रस्तावाच्या 63 शाळा पूर्ण झाल्या.               हा उपक्रम खूपच शिस्तबद्ध पद्धतीत राबविण्यात आल्याचे मत म...

निमगांव केतकी ( प्रतिनिधी ):     निमगांव केतकी (ता.इंदापूर,जि.पुणे) येथील श्री.केतकेश्वर विद्यालयातील 1984 सालच्या इयत्ता 10 वी उत्तीर्ण बॅचच्या माजी विद्यार्थ्यांनी आपल्या गुरुजनांवरील प्रेमापोटी गुरुपौर्णिमेनिमित्त गुरुजनांच्या घरी जाऊन त्यांचा सन्मान केला आणि त्यांचे आशिर्वाद घेतले.  उद्योजक धनंजय चांदणे,मिलिंद कुलकर्णी सर,भाजीपाल्याचे प्रसिद्ध व्यापारी बाळासाहेब काळे,व्यावसायिक संजय व्होरा,प्रदीप जौंजाळ या 1984 च्या बॅचच्या माजी विद्यार्थ्यांनी श्री.जौंजाळ सर आणि श्री.एस.बी.शिंदे सर या गुरुजनांचा त्यांच्या घरी जाऊन सन्मान केला आणि त्यांचे आशिर्वाद घेऊन ही गुरुपौर्णिमा खऱ्या अर्थाने साजरी केली.

पुणे (प्रतिनिधी):         स्पार्टबन सोशल वर्कर्स फेडरेशन ऑफ इंडिया,पुणे आणि महात्मा फुले समाज सेवा मंडळ,करमाळा यांच्या संयुक्त विद्यमाने भारत सरकारच्या लघु सूक्ष्म व उद्योग मंत्रालयाच्या MSME स्फूर्ती योजनेची माहिती देण्यासाठी रविवार,दिनांक 18 जुलै 2021 रोजी एस.एम.जोशी फाउंडेशन, पुणे येथे पार पडली .                  या कार्यशाळेत स्वयंसेवी संस्थांचे 40 हुन अधिक प्रतिनिधी सहभागी झाले होते. स्फूर्ती कार्यक्रमाची महाराष्ट्रातील तांत्रिक सहाय्यकारी संस्था, एस.जी. फाउंडेशन, नाशिकचे प्रमुख नितीन सोनवणे यांनी या योजनेची सविस्तर माहिती पॉवर पॉइंट प्रेझेंटेशन द्वारे दिली. कार्यक्रमाच्या शेवटी खुली चर्चा व प्रश्नोत्तरे झाली.              ज्या स्वयंसेवी संस्था या योजनेच्या अटी पूर्ण करू शकतील त्यांना प्रकल्प बनवणे,पाठपुरावा व मंजुरी नंतरच्या सेवा यासाठी एस.जी.फाऊंडेशन सहकार्य करणार आहे. कार्यशाळेच्या स्थानिक आयोजनाची जबाबदारी उदयकाळ फाउंडेशन,पुणेचे मयूर बागुल यांनी स्पार्टबन सोशल वर्कर्स...

टेंभुर्णी (प्रतिनिधी):         टेंभुर्णी (ता.माढा,जि.सोलापूर) येथील "सनराईज इंग्लिश मीडियम स्कूलने" महाराष्ट्र राज्य माध्यमिक आणि उच्च माध्यमिक शिक्षण मंडळाच्या इयत्ता १० वीच्या परीक्षेतील शंभर टक्के निकालाची आपली परंपरा याही वर्षी अबाधित राखली आहे.विद्यार्थ्यांनी विविध उपक्रमांत तसेच क्रीडा प्रकारांतदेखील उत्तम कामगिरी करत  हे उत्तुंग यश संपादन केल्याबद्दल एका विशेष सत्कार समारंभाचे आयोजन प्रशालेच्या प्रांगणामध्ये 17 जुलै 2021 रोजी उत्साहात करण्यात आले होते.       कार्यक्रमाच्या प्रमुख अतिथी म्हणून श्रीमती. अनुराधा काकी उपस्थित होत्या. कार्यक्रमाचे अध्यक्षस्थान संस्थेचे चेअरमन श्री.योगेश(बाबा) बोबडे सर यांनी भूषवले. याप्रसंगी संस्थेच्या सचिवा सौ. सुरजा बोबडे मॅडम याही उपस्थित होत्या. प्रशालेतील 23 विद्यार्थ्यांना 90% पेक्षा जास्त गुण , तर 11 विद्यार्थ्यांना विज्ञान विषयामध्ये 100 पैकी 100 गुण असून समाजशास्त्र विषयामध्ये दोन विद्यार्थ्यांना 100 पैकी 100 गुण, तर गणित विषयांमध्ये 21 विद्यार्थ्यांना 90 पेक्षा जास्त गुण मिळेले आहेत.     ...

इंदापूर ( प्रतिनिधी):            रुई ( ता.इंदापूर ,जि.पुणे) येथील श्री बाबीर विद्यालयाचा  चालू वर्षीचा  इयत्ता 10 वीचा निकाल 100% लागल्याची माहिती विद्यालयाचे मुख्याध्यापक जगन्नाथ पाटील यांनी दिली.   विद्यालयातील प्रथम तीन क्रमांक खालीलप्रमाणे आहेत. 1) कु. सानिका संदीप कांबळे : 97:80% 2) कु.देवकाते प्रतीक्षा हनुमंत : 96:40% 2) कु.थोरात प्रतीक्षा कांतीलाल : 96:40% 2) कुंभार तुषार शिवाजी : 96:40% 3) कु.लावंड केतकी वैजनाथ : 96:0 %   परीक्षेला एकूण  83 विद्यार्थी बसले होते त्यांपैकी सर्वच 83 विद्यार्थी पास झाले.  इयत्ता दहावीत प्रथम आलेले तीन आणि इतर सर्वच पास झालेले विद्यार्थी यांचे संस्थचे अध्यक्ष अमरसिंह आत्माराम पाटील,उपाध्यक्ष उदयसिंह पाटील, सचिव विश्वजित करे, पोलीस पाटील अजितसिंह पाटील,तसेच सर्व कार्यकारी मंडळ,विद्यालयाचे मुख्याध्यापक जगन्नाथ पाटील, पर्यवेक्षक तानाजी मराडे,सर्व शिक्षक-शिक्षिका व कर्मचारी वृंद यांनी वरील सर्वांचे व त्यांना मार्गदर्शन करणारे शिक्षक यांचे हार्दिक अभिनंदन केले आहे.

दौंड ( प्रतिनिधी): अखिल भारतीय ओ.बी.सी. सेवा संघ, महाराष्ट्र या संस्थेच्या दौंड तालुका अध्यक्षपदी सौ.नंदिनी सचिन गायकवाड यांची नुकतीच निवड करण्यात आली. केडगांव परिसरामध्ये विविध सामाजिक उपक्रमांमध्ये सौ.गायकवाड यांचा नेहमीच सक्रिय सहभाग असतो. सामाजिक क्षेत्रातील त्यांच्या कार्याचा आणि लोकसंपर्काचा फायदा आपल्या ओबीसी समाजाला हवा,या हेतूने त्यांची या पदावर निवड करण्यात आली आहे. दौंड तालुका तसेच संपूर्ण पुणे जिल्ह्यामध्ये उत्कृष्ट फोटोग्राफीसाठी प्रसिद्ध असणाऱ्या केडगांव येथील सिद्धी फोटो स्टुडिओचे संस्थापक,प्रसिद्ध फोटोग्राफर,सामाजिक कार्यकर्ते श्री.सचिन गायकवाड यांच्या सौ. गायकवाड या पत्नी असून दौंड तालुका फोटोग्राफर असोसिएशनच्या प्रथम महिला फोटोग्राफर सदस्य होण्याचा बहुमान त्यांनी पटकावला आहे. ओबीसी सेवा संघाच्या माध्यमातून परिसरातील विविध सामाजिक प्रश्नांवर काम करणार असल्याचे सौ.गायकवाड यांनी 'विश्वदीप न्यूज' च्या प्रतिनिधीशी बोलताना सांगितले.

इंदापूर (प्रतिनिधी):             इंदापूर येथील महाराष्ट्र शासनाच्या शासकीय औद्योगिक प्रशिक्षण संस्था ( आयटीआय) ची प्रवेश प्रक्रिया दिनांक 16 जुलै 2021 पासून ऑनलाईन पद्धतीने सुरू झालेली आहे. प्रवेशासाठी खालील वेबसाईटवर जाऊन अर्ज भरणे, ऑनलाईन शुल्क भरून प्रवेश अर्ज निश्चित करणे, ऑप्शन फॉर्म भरून आयटीआयची निवड करणे या सर्व प्रक्रिया प्रवेशोच्छुक विद्यार्थ्यांना पार पाडाव्या लागणार आहेत. प्रवेशासाठीची वेबसाईट (संकेतस्थळ) खालीलप्रमाणे आहे : http://admission.dvet.gov.in चालू शैक्षणिक वर्षासाठी इंदापूर येथील आयटीआयमध्ये एक वर्ष कालावधीच्या अभ्यासक्रमांसाठी खालीलप्रमाणे ट्रेडनुसार जागा उपलब्ध आहेत. वेल्डर : 60 जागा, शीट मेटल वर्कर : 20 जागा ,   ड्रेस मेकिंग :  20 जागा . याबरोबरच दोन वर्ष कालावधीच्या अभ्यासक्रमांसाठी खालीलप्रमाणे जागा उपलब्ध आहेत. मेकॅनिक मोटार व्हेइकल : 24 जागा ,  ईलेक्ट्रिशन : 20 जागा,  वायरमन: 20 जागा,  फिटर : 40 जागा,  टर्नर : 20 जागा,  मशिनिस्ट : 20 जागा ,  रेफ्रिजेरेशन आणि एअर कंडिशनिंग मेकॅनिक: 2...

इंदापूर(प्रतिनिधी):      पुणे शहरालगतच्या पिंपरी चिंचवड परिसरामध्ये विविध शैक्षणिक संस्थांमधून केजीपासून ते पीएच.डी.पर्यंत गुणवत्तापूर्ण शिक्षण देण्याच्या कार्याबद्दल "पुणे टाइम्स" तर्फे  " पिंपरी-चिंचवड एज्युकेशन ट्रस्ट "चा सन्मान भारताचे माननीय राज्यपाल श्री.भगतसिंग कोशारी यांच्या हस्ते करण्यात आला. या सन्मानाचा स्वीकार संस्थेचे अध्यक्ष श्री. ज्ञानेश्वर लांडगे आणि कार्यकारी संचालक डॉ. गिरीश देसाई यांनी केला. " पिंपरी-चिंचवड एज्युकेशन ट्रस्ट"  या संस्थेची स्थापना इंदापूर तालुक्याचे माजी खासदार कै. शंकररावजी पाटील (भाऊ) यांनी सप्टेंबर 1990 मध्ये केली. समाजातील विविध घटकांना प्राथमिक शिक्षणापासून ते अभियांत्रिकी, संगणकीय आणि व्यवस्थापन या सर्व शाखांचे सखोल शिक्षण देण्याच्या उद्देशाने या संस्थेची स्थापना करण्यात आली . संस्थेला मिळालेला हा सन्मान म्हणजे इंदापूर तालुकावासियांच्या दृष्टीने एक अभिमानाची बाब आहे.

इंदापूर (प्रतिनिधी) :   इंदापूर येथील विद्या प्रतिष्ठानच्या वाणिज्य आणि विज्ञान महाविद्यालयातील विद्यार्थ्यांनी प्लेसमेंटमध्ये भरीव कामगिरी करून करियरमध्ये भरारी घेतली आहे.या Placement मधून समाधान गार्डे याची Capgemini ,Pune येथे, शुभम खोचरे याची Moonraft Innovation, Bangalore येथे,शांभवी  पाटील हिची SAAMA Technologies,Pune येथे आणि खुशाल फुगे याची TCS, Pune येथे निवड करण्यात आली.या निवडीबद्दल महाविद्यालयामध्ये या विद्यार्थ्यांचा प्राचार्य डॉ.निर्मल साहूजी यांच्या हस्ते सत्कार करण्यात आला. यावेळी प्राचार्य डॉ.साहूजी म्हणाले की,सध्याच्या या कोरोना आपत्तीच्या काळामध्ये नोकरी व व्यवसायाच्या संधी उपलब्ध होणे दुर्मिळ झाले आहे, परंतु अशा परिस्थितीमध्ये देखील या विद्यार्थ्यांनी जिद्दीने अथक परिश्रमांच्या जोरावर हे यश मिळवले असल्याने त्यांचे जेवढे कौतुक करावे तेवढे कमीच आहे. यावेळी सत्काराला उत्तर देताना विद्यार्थ्यांनी महाविद्यालयांमध्ये राबविण्यात येणाऱ्या विविध उपक्रमांमुळे व्यक्तिमत्व विकास होत असल्याचे सांगितले.तसेच ॲप्टिट्यूड ट्रेनिंगसारख्या प्रशिक्षणांमुळे विद्यार्थ...

इंदापूर (प्रतिनिधी):     ज्येष्ठ साहित्यिक राजन खान यांच्या संकल्पनेतून उभ्या राहिलेल्या "अक्षर मानव" या अभिनव सामाजिक संस्थेच्या आपत्ती व्यवस्थापन, पर्यावरण आणि शेती विभागाच्या मार्फत अरण्यगुरु मारुती चित्तमपल्ली यांच्यासोबत एका विशेष अनुभवांच्या भन्नाट चर्चासत्राचे आयोजन रविवार , दि. १८ जुलै २०२१ रोजी सकाळी ११ ते दुपारी १ या वेळेमध्ये गुगल मीटच्या माध्यमातून करण्यात आलेले आहे. या चर्चासत्रामध्ये ते आपल्याला "सापांचं पर्यावरणातील व शेतीतीलं महत्त्व , तसेच सापांविषयी असलेले गैरसमज आणि घ्यायची खबरदारी"  याविषयी मार्गदर्शन करणार आहेत.  अरण्यगुरु मारुती चित्तमपल्ली यांनी चकवा-चांदणं, केशराचा पाऊस, रानवाटा, पक्षीकोष ,जंगलाच देणं, चैत्रपालवी अशा अनेक पुस्तकांमधून आणि प्रत्यक्ष जगण्यातून निसर्ग समजावून सांगण्याची किमया साधलेली आहे. अशा या अवलिया निसर्ग साधकाला ऐकण्याची संधी या चर्चासत्राच्या माध्यमातून आपणांस उपलब्ध होत आहे. तरी जास्तीत जास्त निसर्गप्रेमींनी या चर्चासत्रामध्ये सहभागी होण्याचे आवाहन अक्षर मानवचे आपत्ती व्यवस्थापन विभागप्रमुख हेमंत गजभिये आणि अमित मंगल अरुण...

पुणे ( प्रतिनिधी): कथा स्पर्धेचे नियम- १. कथा पाठवताना तुमचे नाव, पत्ता, इयत्ता, इमेल, फोन नंबर लिहायला विसरू नका. २. ही स्पर्धा इयत्ता चौथी ते दहावीपर्यंतच्या विद्यार्थ्यांसाठी आहे. ३. कथा एकतर टाइप केलेली असावी किंवा PDF फॉरमॅटमध्ये असावी. कागदाचे फोटो काढून पाठवलेली कथा स्पर्धेसाठी ग्राह्य धरली जाणार नाही. टाइप करण्यासाठी वापरलेला फॉन्ट शक्यतो युनिकोडमध्ये असावा. ४. मराठी व इंग्रजी यांपैकी कोणत्याही भाषेतून कथा लिहू शकता. ५. कथेची शब्दमर्यादा ५०० शब्दांची आहे. त्यापेक्षा जास्त शब्दांची कथा असल्यास ती कथा स्पर्धेसाठी स्वीकारली जाणार नाही. ६. ahamawamwayam@gmail.com या मेलवर कथा पाठवायची आहे. ७. कथा पाठवण्याची अंतिम तारीख ३० ऑगस्ट २०२१ आहे. या तारखेनंतर पाठवलेली कथा स्पर्धेसाठी स्वीकारली जाणार नाही. ८. कथा स्पर्धेमधून १, २, ३ असे क्रमांक काढले जाणार नाहीत. उत्तम अशा निवडक कथा ‘वयम्’च्या अंकामध्ये आणि ‘वयम्’च्या सोशल मिडियावर प्रसिद्ध केल्या जातील. ९. परीक्षकांचा निर्णय बंधनकारक राहील.                        अधिक मा...