"अक्षर मानव"तर्फे दिनांक ११ जुलै रोजी "आहार - त्याचे महत्व, नियोजन आणि फायदे" या विषयावर मार्गदर्शन सत्राचे आयोजन
प्रतिनिधी:
ज्येष्ठ साहित्यिक राजन खान यांच्या संकल्पनेतून उभ्या राहिलेल्या "अक्षर मानव" या अभिनव सामाजिक संस्थेच्या योग विभागामार्फत रविवार दिनांक ११ जुलै २०२१ रोजी सकाळी ११ ते १२ या वेळेमध्ये "आहार - त्याचे महत्व, नियोजन आणि फायदे" या विषयावर विशेष मार्गदर्शन सत्राचे आयोजन करण्यात आलेले आहे. यामध्ये प्रसिद्ध आहारतज्ञ ओंकार कुलकर्णी हे "कोरोनाकाळातील सकस आहार, कोरोनानंतरचा आहार, प्रतिकारशक्ती वाढवणारा आहार व त्याचे नियोजन, इतर साथींच्या तसेच संसर्गजन्य आजार व रोगांपासून बचावासाठीचा आहार" या मुद्द्यांवर मार्गदर्शन करणार आहेत.
हे सत्र गुगल मीटच्या माध्यमातून ऑनलाईन होणार असून या सत्राला खालील लिंकद्वारे उपस्थित राहता येईल.
सत्राची गुगल मीट लिंक :
https://meet.google.com/iae-efsx-eit?hs=224
या सत्रामध्ये जास्तीत जास्त लोकांनी सहभागी होण्याचे आवाहन अक्षर मानवचे योग विभागप्रमुख दिपेश मोहिते, सांगली जिल्हाप्रमुख जस्मिन तांबोळी आणि पुणे जिल्हाप्रमुख प्रगती गजभिये यांनी केले आहे.
